網球課蹺了一課，由於近日的特別活動，疲倦不堪，甚至連跑步的時間也沒有。難得休息根本不想爬起身。
硬著頭皮再去發覺忘記了握拍的方法，打Volley的技術差了，熱身時打得還可以，到分組比賽就出事了，企前場Volley全部拍了落網；企後場連對手打出界的波也條件反射去救，當正平時租場搓波一様…
發覺不可以再拍隻死肥豬雙打了，發球連續6次Fault，次次落點也不同；加上我的Volley落網，連輸兩局3-6和1-5(夠鐘落堂果1分唔使打)，多數發球局領先下輸Deuce，對手也不是特別好波，只是我們狀態飄忽。
對上兩堂專登不和他拍是臝波的。
還有不可思議的是這班會愈打愈多人，星期天到場人數共15，平時齊12人也不盡是同一班人…
嘩, 越打越多人, 咁都得? 睇黎你呢期時運低喎........
回覆刪除我係大興學緊squash呀, 個阿sir教得好好, 不過我地就越玩越少人, 可以2個人一個場起勢打, 真抵玩! 佢話黎緊友愛開果班係佢師父教, 名師黎的, 想再學好d可以試下報喎!
[版主回覆10/30/2007 14:57:00]在網球班聽聞大興有個教練很好，每課都會逐個學員個別教授，糾正缺點，大概是你的教練吧？
愈打愈多人不是時運低，是有人叫埋自己d舊學生/老友來戥腳，今堂多人過頭大概是預算錯誤
死肥豬回應：
回覆刪除1. 說人死肥豬，很攻擊性，難道自己不肥嗎？
2. 請說別人累你輸波時，想想自己是否好波，double fault才只不過輸一分。
3. 和別人拍是贏波，是因為別人好波，不是你自己，不要騙自己是有實力的，只是拍著我才輸波。
4. 對手不是特別好波，你太天真了。夠膽說在場每一個人都比我們好波很多，因為我們球齡太淺了，上次的對手一看便知道是打了很多年，他們只是在讓我們，這樣也看不出。
最後，我來贈你四個字吧！目中無人！這樣你永遠不會進步！
[版主回覆10/31/2007 23:59:00]呵~~~我是死肥貓呢
我好像沒讚過自己好波呢...
哈哈....肥貓隊友作出無情的反擊.............
回覆刪除我地報左12月份網球班(大興), 逢六8-10pm, 睇下抽唔抽到啦(因為聽聞大興場係可以借拍的, 唔使再買拍)
今個星期六book左場打squash 5-6pm (大興壁球場), 有興趣可黎搓返兩板!
[版主回覆11/02/2007 17:22:00]似乎是動真火呢...
慢慢啦, 要長時間訓練嘛~~~加油呢~~~
回覆刪除Dor Dor Cat
回覆刪除我係幸褔咖哩呀~
我擒晚都開始學網球喇! 好開心呀~ 不過打到手都酸. 我o個班夾埋我得兩個女仔, 所以都唔錯呀! 私人教, 成場打波無停, 如果康文署, 一班10幾人, 又會點教呢? 我怕人太多, 一個教練教唔到咁多, 寧願搵私人集中教幾個course, 自己學識基本功再自己去練~~~你宜家學成點呀? 你話d人水平各唔同...繼續努力, 練習多d, 自然有進步~加油呀!
上星期抽康文署當然又係抽唔中啦~我朋友住大埔, 第一次就抽中大埔區網球, 其實抽籤會唔會同住邊區有關呢? 機會率會唔會大d呢?? 我咩區都抽, 係無抽自己o個區呀! 激死我呀~ 都唔知再繼唔繼續去抽, 去打電話報名好!
[版主回覆11/17/2007 10:57:00]晚上的難準時齊人，先自行練習上課學的或找其他人搓波。
之後會教新技術，教練示範完各人輪流打幾籃波，找實力相若的同學對打，實力較好的可能會一個打兩個，教練會指正技巧。
星期天上的就高階一點(今次抽正名了中級班)，一來就要2人一組按指定的打法熱身，如兩人在網前不斷volley練控球，全班分成兩批一字橫排在網前交叉按排序傳球
教完進階技術後分組比賽，課堂結束前會針對各人普遍最差的環節練習，又多打2籃波