昨天知道本港120個傳送奧運聖火火矩手的粗略名單，不禁嘆息，怎麼這麼多「騎呢怪」在內？例如TVB個姣佬總經理Honey；幾家華資地產商的太子；8號仔為何有兩個高層入選的？
最礙眼的莫過於賣狗帶起家那個老而不。事先張揚話自己有份而沾沾自喜的那個政棍倒沒太大反感，因為消息早已消化。
閱報確認了詳細名單，也不是太差勁，運動員佔53個，加上過往都叫做落手落腳支持/贊助體動活動的也有12人，這65人已佔了名單的一半以上。
其餘贊助商好像佔24個位，本貓一個玩長跑很叻的中學同學也曾是贊助商讓人公開投票的名單之一，結果是落選了，但證明當初贊助商的名單也不盡是藝人。
商界被抽了出來，而且加埋入其餘界別中，名額佔一半(15+16=31)，似乎太傾斜於這方了…
另社團界和區議會代表還不都是政界，至少新界社聯、鄉議會和青年民建聯的代表都很有政治色彩，這裡共14人。
加埋10個演藝明星入選大都因商業因素，但總算有一個方力申是貨真價實的前運動員，這就是120個名單。
勉強收貨啦呢份名單，當然換掉老而不就更好了。
雖然不會響應星期五穿紅衣，但橙衣姑且留待星期天的「紀念六四長跑」才穿。
圖片來源：明報/蘋果日報
話時話唔知星期五會唔會出街一片紅呢? 我如果著橙色出街會唔會俾人噓呢? 真係好想快D到星期五, haha..........
回覆刪除[版主回覆04/30/2008 15:55:00]星期五落狗屎就最好，縮程唔使煩
示威又示唔到，阻街又阻唔到，非戰之罪夠哂和諧
FERRARI RED 紅 衣唔著 lu ...
回覆刪除我反而覺得，點解會咁多人架，好似跑兩個幾鐘咋喎..............
回覆刪除[版主回覆05/02/2008 16:57:00]分餅仔丫嘛！
班有錢佬點解有份，因為無佢地投資就無今日喎....
算吧啦...香港人....見怪不怪....我都無心機理佢哋.....由得佢哋爭餐飽........
回覆刪除[版主回覆05/02/2008 17:01:00]所以慳返啖氣暖肚，除非隻老野途中捐軀，去見毛主席，否則不值一哂
頭捧同尾棒都睇得過嘅，睇新聞得喇
今日真係落屎, 希望落大D, 等個天來搶熄聖火.................
回覆刪除[版主回覆05/02/2008 17:03:00]淋唔熄的，最多天氣惡劣行少一兩個，最好就d騎呢怪被cut啦
真係俾你講中, 可惜唔係落狗屎, 如果係就最好, 淋到火都熄埋, 縮短路程, 分分鐘曾老都無得行, hehe.....
回覆刪除[版主回覆05/02/2008 17:02:00]佢邊使行？推之嘛...