在深水埗區工作，食店眾多，無理由沒去過以竹昇麵為賣點，蝦子撈麵馳名的「劉森記」。午餐無聯群結黨的時候，偶爾會選擇一下。不過最近沒有去了。
因為生意突然間好了起了，8-9個月前頂了「不吃不可」車仔麵的舖開分店，生意感覺上是分薄了，舊店看來很靜...
直至蔡瀾那個節目在TVB出了街，兩間店都擠得水洩不通，分店出現午飯時段要等叫位的情況，不過人潮仍比不上對面除了雞翼，唔覺有咩咁特別同點解咁多人的「譚仔記」。
家中兩老看完節目甚至怪責我沒有提過「有間好野」...
店的食品是不錯，但未至於是節目介紹得如何希罕，不用風頭火勢慕名去吧...
順帶一提，就算幫襯都是去舊店，心理問題吧？
新舊店只差一個轉角。
地址：九龍深水埗桂林街48號地下
電話：2386 3533
i've tried 3 times
回覆刪除咦 ~ 乜原來深水埗有架...oh ~ 正丫！ 夠近！
回覆刪除[版主回覆06/23/2008 20:58:00]兩間都在深水埗，近黃金商場，好易搵
我都好鍾意去劉森記食蝦子麵架, 好好味 不過最怕食肆開分店, 驚個廚師唔兼顧得咁多, 質素下降, 希望佢唔會啦.
回覆刪除[版主回覆06/23/2008 20:57:00]老闆兩父子一人睇一檔吧？兩檔定期交換睇，應該分別不出味道。
佢既蝦子麵係唔錯架 !! 舊款粵式雲吞都好傳統，味道當然 OK 啦 !!
回覆刪除而家越黎越少舊式廣東雲吞麵，除左中環麥奀記、銅鑼灣何洪記、池記、紅磡大光燈等等就真係買少見少，個個轉晒做港式雲吞麵，呢!! 即係 B B 拳頭o甘大舊o個 D 呀 !! 勁難食呀 !!!
仲有間叫麥文記，可惜跌晒 watts ，同 "舊時" 爭好遠羅，上次去食豬手麵，竟然係無味既，勁失望
[版主回覆07/02/2008 23:05:00]講起跌watts，點少得土瓜灣德昌魚旦。
以前在北帝街馬會隔離排檔格局重好地地，搬過欣榮變成茶餐廳就走哂樣，都唔知係咪賣個名俾人算數，自己退休算數。