午飯空檔到黃金和高登運桔，睇睇下敗家症又發作，睇中了BenQ那部型號E2220HD的LCD Mon。
22”畫面支援Full HD，有HDMI輸出和Speaker，3年上門保養，連Webcam的賣$1888，不連就$1688。
有點心動。買得這個又要順手換埋張Display Card，想換很久，相中了Radeon 4650的咭，只售約600元，要看哪間廠出品，肯花多100元左右又可以選4670…
最後又發覺D Ram又愈來愈平，1GB都唔使100蚊，黐線一點買兩條2GB的都係4舊！
呢個症大概要花$2500才能醫好，不過咁喎，個舊Mon諗住點處置先？暫時以此為藉口控制病情。
真係賤物鬪窮人啊........呢高科技嘢愈嚟愈平呢........啱用就買啦......不過都要停一停諗一諗.....屋企嗰件係咪真係要換先????...................不過呢, 我諗你行多兩行就唔會再去考慮咁多啦..........哈哈...............
回覆刪除[版主回覆11/20/2008 09:55:00]我會努力忍手的
或者有其他東西想買分散注意
最差的情況係買埋另一様..........
買啦買啦, 促進香港經濟靠晒你!
回覆刪除[版主回覆11/21/2008 08:46:00]會唔會好似台灣咁有消費券派呢？
唔派去掟下榴槤都好
連住兩個Mon一齊用，實用面積大左，用得開心好多！ 不過而家D Mon 真係平到笑，年多前我仲要接近三千先買到19吋…
回覆刪除[版主回覆11/21/2008 08:45:00]公司早就19" dual mon
屋企就唔會，一來無地方，二來17" (4:3) + 22" (16:9)孖住用應該幾肉酸
又hold一hold，12月5-8深水埗街頭有電腦展
舊MON可以玩一電腦2個 MON , 在顯示器內容設定就可以
回覆刪除