報載，昨天一名富豪傳出病危，引起旗下集團旗艦股的股價異動，消息傳至當事人耳中立即會都唔開，即刻蒲頭以辟謠。
澄清傳聞後記者問及感受，富豪訴說疑遭外資大鱷狙擊，認為一笑之餘又表示不欲追究，之後除應酬下記者問貼士的例牌問題外，更吹噓一下舊時戰勝大鱷的威水史。
奇怪？有乜值得吹噓？間公司上得市就該訂立對付這類低水平惡作劇和敵意收購的對策，打開門口做生意，被整蠱閒過立秋。講講下就呻以後可能無咁易撃退敵人，點解咁慘情？
果然，主旨是抨擊港交所想實行延長上市公司董事在業績公佈前後禁售期的政策。擔心以後股價異動會因為禁售期不能增持托市…
段報導當堂失去興趣睇落去，唔想猜測是為保障既得利益，特登搭個棚做場大龍鳳，希望只係佢老人家轉數快，識借題發揮啦！
沒有留言:
張貼留言