農圃飯店

去銅鑼灣農圃食，賣的是粤菜，但上果幾款前菜小食榨菜、青瓜和炆牛筋還誤以為是上海菜，其中個炆牛筋色澤紅潤，味濃、入口嫩且帶甜味。

主菜方便，訂位時已Order了兩款招牌出品，糥米雞翼和杏汁白肺湯，另外要了些家常小菜。

先講個糯米雞翼，雞翼去骨釀入糯米飯和蝦肉漲卜卜，炸得皮脆肉滑乾身，食落不覺油膩, 果然係必試功夫菜。

接著上湯，杏汁白肺湯呈奶白色，豬肺雪白，清理得很好。湯清鮮甜，杏味夠濃，連湯渣也不放過。

小菜方面要了「是但」，這是蛋白蒸海鮮，滑就夠滑，不過覺得有少少淡口；另外個南乳粗齋煲和麵醬炒四季豆豬頸肉都值得推薦，麵醬與豬頸肉爆得夠香，與四季豆放在砂鍋輕炆過，麵醬香四溢；南乳粗齋主要靠粉絲吸收南乳汁，味道濃郁，兩款煲菜也很出色。

之後還有個牛仔骨和芽菜炒蝦肉(唔記得咩名)，都非常適合送飯。

比較平凡的是魚茸湯米線，跟屋企整的差不多，而且Order了一窩，在厨房分配好才端上，竟然話唔夠分，另外加多碗，有少少搵笨咁…(其實個白肺湯都係分埋先上)

最後甜品是店家推介的燕窩流沙包，燕窩信佢有，不過梗係唔多，個包新鮮熱辣加上咸蛋黃夠多，真的做到流沙的效果，都算滿意啦。