中秋節出去做節，又去了上環「蓮香居」，訂位時店家已提醒當晚只做套餐，不接受散叫。
上到去睇到張單，發覺甚麼套餐都差不多，變化不大；叫了個套餐後同伙計講話唔夠食，可否散叫其他(其實夠的，只是想點合心水的菜)。原來是可以的，不過就不提供菜牌，諗到乜佢又有的話就OK。
其實想加的幾個菜上次都吃過，有無菜牌影響不到我們，只是想到一到節日招呼就另一個模樣，有少少掃興。
由於幾乎每檯都是大同小異的套餐，切雞、湯之類上菜速度極快，幸好其餘即製才好吃的食物如蒸魚也是即製，散叫的幾個菜亦沒有失準。
6點半埋位，未夠7點半已經吃完埋單了。
(每檯都要叫套餐)
(加了鴨腳包、金錢雞和焗魚腸)
(開飯之前去了山頂和西港城Hea)
(吃飽就去探望絕食中的人...)
有d食肆每逢過節都係逼人食套餐, 連散叫都無, 蓮香算好喇, 而且無失手都好難得.
回覆刪除