人氣點心店 - 添好運

添好運點心專門店去年被評為「米芝蓮」的一星食店，本來就大旺的店就愈加擠迫，多次經過都想去試，但都被條人龍嚇怕。

早排深水埗(其實係深水埗同太子中間)開了分店，近近地就去排下，六點零七點等約20分鐘就有位，時間尚可接受，但規矩等齊先俾入，所以放生了兩張枱。

價錢的確係平，不過食物方面...

若果旺角總店都係咁，所謂米芝蓮一星都係不過爾爾。

咁當然人地個評級唔會係連分店都會有啦，開業短短個零月，唔知係新師傅主理此店還是店面大了就控制不到品質，在一向評級都好鬆手的openrice指數係5好評 vs 10劣評，一早打哂底，所以唔算失望。

本貓會俾返個中性評級。

(蒸飯飯太腍、排骨無特別、叉腸少叉燒)

(除了碟牛肉太差，其餘都可以)

(咸水角最好、蘿蔔糕夠料就太細件、馬拉糕無食)

(招牌焗叉燒包不妨多吃)

(取籌時人不多，不過10分鐘不到就人頭湧湧)