夾錢Book場跑步

昨晚仍在跟豬朋討論何時開始報名，今朝就收到消息話就在今天(16日)開始，立即上網報，等Load到報名表已花了10多分鐘，輸入資料過Visa驗證俾錢又等10幾分鐘，搞成大半個鐘先搞得掂，剛才手痕去睇下個首面，名額已滿.......

好似唔使錢咁，今年又加價了，去年好像是120元，今年要150元報名費，見佢天水圍跑近屋企先繼續報名。賽會更加了個3公里組別，搶錢之心非常明顯，希望安排得好一點，不要有兩組塞著賽道的情況出現。

去年半途肚痛離場再重返賽道慘遭取消資格，今年要復仇！不過以目前的狀態與身型，俾盡56-57分鐘完成，衰起上來要60分鐘也不出奇。最佳比賽時間是51分前半，目前係無乜信心做返呢個時間，但會以此為目標。

距離比賽約有2個月。