剛過了一個月左右，再行麥徑第2段，不同的今次是逆走，而且星期天行，同伴多，遊人亦多。
天氣比昨天炎熱得多，花的時間多了，由12時起步要到5時半才到達西灣亭，除了配合各人的速度外，在鹹田灣午餐亦花多了很多冤枉時間。
慣常幫襯開的海風士多到達時無位，轉了到安記，但安記人手嚴重短缺，落了單大半個鐘連飲品也未能送上，其他食物更不消提，各檯的食客都非常鼓躁，最後是轉回去海風食。
人手不足不是問題，賣賣罐裝飲品和一些簡單食物就可以，行山客要求不高的，但求吃完就趕路...
還有一樣比較失望，鹹田那獨木橋，橋下的水幾近消失，完全吸引不到遊人。
(停泊中的直升機成了觀光點)
(到吹風坳已近5時)
(個咸蛋黃話咁快就消失，乜都影唔到)
又會咁好彩見到直升機既！我上次去呢個位置，一隻都無得睇呢。
回覆刪除[版主回覆10/27/2008 23:29:00]真的很難得嗎？怪不得這麼多人圍著要拍照
呢排行咁多山, 究竟減左幾多磅?
回覆刪除[版主回覆10/27/2008 23:30:00]行山係減唔到磅的，若果飲埋寶礦力，行完又大吃大喝就更加唔使旨意
昨日天氣好熱喎, 我星期六去行山清涼點, 比較舒服, 但視野好差, 睇你的相好清喎, 真係各有各好.
回覆刪除[版主回覆10/27/2008 23:31:00]不錯，星期六涼風多點，的確行得舒服一點