一來窮，二來趕時間，午餐幫襯久違了的「大家食」。
記得第一次幫襯，店沒現在那麼多的分店，一碗招牌的「茄蛋牛肉手攪/削搖麵」還是賣12元，個麵頭一兩次食都覺夠彈牙，但試多幾次就覺無乜特別，D蕃茄又唔切走個「碇」，賣相有點污糟，漸漸少幫襯，都是揀無可揀才會走進去。
大約是年半兩年前吧，這家店的老闆們大肆擴充後又聽聞「分家」了，變成了有老闆呂以村肖像做招牌的所謂「正店」和在店名下加了「新之食」的分支，在深水埗大本營孖住隔鄰左右做生意。
或者是正面競爭，兩家店門面外觀上都乾淨了，經營上扮成賣雲南米線的店一様，先來有配料的麵底，特別湯底和餸菜另計，即是變相加價了，由以前12蚊出門口加到最低消費16元，加幅都幾大，不過仍是十分平宜，而且環境看似「乾淨了」就再試下幫襯。不過還是失望而回，個麵總覺不夠以前彈牙爽口，又變回以前一様是最後的選擇。
今天排完隊買六合彩，趕時間又走了進這家店，場面竟很冷清，之前雖然很少幫襯，但經過總算得上是八至九成上座率。不作深究，選了食物落單發覺又加了價，最低消費變了20元，要埋飲品就25元；食物款式雖然又多了，但質素仍是沒改善，對比返其他食肆已無價錢上的優勢，怪不得午市黃金時段生意差了。
講返間舖的招牌出品「手攪麵」其實幾吹脹，原來是用手放進攪麵機攪動出來的，故名曰「手攪麵」，別誤會是人手搓製的；「削搖麵」亦是同一原理，不解的是老闆大可稱之為「手削麵」…
希望佢快d執, 成個style好大陸, 最憎......
回覆刪除[版主回覆10/31/2008 13:39:00]話唔埋，加價加到咁狼都唔係係咪炒燶野為「大家蝕」
我都少幫襯了，不過以前都係幫襯「新之食」多，覺得「舊版」太多人，我比較怕多人。 但係兩間的水準真係差唔多，我反而喜歡「新版」的肉醬飯，早幾星期去下「舊版」真係覺得少人左，而且價錢真係唔夠平，D員工又成日掛住吹水，落單有D亂 (我最憎！)，你開工吹水冇問題，但係有客時停下先，得唔得？ 所以結論係，下次都係發掘下有冇其他食肆又平又正……
回覆刪除[版主回覆11/01/2008 23:39:00]雖然行遠幾步，另一個貪平之選是新高登商場那條街(有獅子理財中心)的山東餃子店