踏入2009年，有關本港政制發展的進程在政圈開始有點討論，但民間仍是一片冷淡。
掀頭的是公民黨吳靄儀(法律界)動議廢除功能組別，一如分組點票慣例，直選的一組通過，功能組別的一組否決。這種畸型的決議再一次突顯制度上的缺陷，但已不是新鮮事，照例引不起迴響。
在動議開始討論前泛民更搞了個甚麼20小時12分靜坐行動來配合，看見報上一眾泛民議員對完成「壯舉」的一刻，眉開眼笑的放紙鶴，還以為是甚麼嘉年華在進行，何慶之有？
怪不得社民連黃主席諷之為搞噱頭，了無新意。於是他提出在網台節目常說的泛民總辭，一次玩舖咁大的其他黨派當然唔騷佢；退而求其次的各區辭一個(長毛提的？)也見不得會被支持，雖然唔係好信陳偉業肯，都當社民連肯自己拎哂3區出來包底，其他的黨派也未必肯跟。
又當各派傾掂各派代表辭職再參選，本著直選向來泛民總括有6成支持，兩陣對疉無分散票源應該穩陣，但如意算盤又是否打得響？
對家只要淡化此事，不去爭奪這些席位，由得他們自動當選，無謂硬拼去發得到2/3議席的夢，有分組點票本來就食硬，無謂浪費資源偷一兩席激化矛盾；就讓泛民唱獨腳戲，使行動頓變鬧劇，已歸邊的傳媒不去去關注和報導，只利用專欄寫手話咩浪費公帑，一來抽水，二來安撫班維園阿伯的情緒；甚至乎自己不派人出手，暗中資助一D騎呢怪出來搞笑(跳飯碗舞之流)，搞Cheap個場，泛民班大哥個個自以為有頭有面有品味，總選各門各派一齊出來唔覺眼，咁様單對單打勝出都唔馨香，最終淪為笑柄，他們受得起刺激？
其實我估社民連明知泛民唔肯, 大佢哋班人啫, 陳偉業梗係唔想啦, 你估佢實選到咩? 到時再選失敗咪份工都無埋? 邊個敢包, 呢個險冒唔過, 亦都無人想冒.
回覆刪除現在傳媒歸邊, 好多有關泛民的報導都簡短或者直情唔寫, 一係就寫得好負面, 你睇而家市民對泛民的印象差過以前幾多, 就係報紙幫市民洗腦的後果囉.
[版主回覆01/14/2009 15:58:00]若果係諗住"大"其他人，有點立心不良囉
其實唔係總辭，注碼已不足吸引對家入局，再搞就醜多兩錢
泛民又係自己唔爭氣, 搞到散沙咁, 老大哥民主黨多年來原地踏步, 不單無進展, 黨員還越來越少, 睇見都幾令人洩氣.
回覆刪除[版主回覆01/14/2009 15:56:00]大概都有5-6黨員啩？
入唔入黨分別唔大，入了黨亦不見得黨員肯多參與黨務，多人又點？學DAB號稱萬人幫又如何？
唔見中委員選舉，看過某些支部改選的投票人數，一定嚇死。
當然，最熱鬧當然是新東...