垃圾港鐵南九龍線

港鐵撥入西鐵的九龍南線首日通車出現混亂見怪不怪，有心改進就可以。不過除了那些例牌混亂外，更被發覺長程平過短程、Day Pass要中途補飛的怪現象，實在不能原諒，根本就無心待客，只想著架車行到有錢收就算，不知所謂！

昨午有活動在黃埔進行，之後尖東慶功，路線適合就順道試一試這條號稱38分鐘屯門到紅磡的新線。

一如過往買張Day Pass，付了錢職員提醒，想到伸延的新站就要在南昌落車補飛。那豈非要等多一班車？立即問有沒有到紅磡Day Pass，條粉腸竟然陰陰嘴話出得閘可以坐K16…

要轉死兜爛兜K16就唔幫襯你啦！而且即日起K16重要收錢，咁去坐260X唔好？月票就諗到加價，日票都好愛歡迎的，順手加埋或出多款可以去到尾的都唔係好難丫？班友仔有無站在顧客立場上去想呢？

付了錢騎虎難下，不能直接拍八達通坐到尾，唯有在南昌落車補飛，西鐵站為了在上蓋起樓，車站整到鬼咁大，行慢D一班車(7分鐘)未必返到來！原本聲稱38分鐘加多7分鐘變45分鐘，未計落車後在月台行走的時間，同坐九巴分別不大。

回程在尖東上車，拍八達通在南昌改用Day Pass，睇睇閘機顯示，收$5.4？南昌去紅磡3個站收$4.3，怎麼尖東去南昌2個站貴$1.1？

定價如此黐線，加上轉車安排混亂，東西鐵班次未能配合，東鐵客轉去尖東要等近10分鐘，否則要走上客運大樓再落另一個月台上車。連東鐵線的客都辣㷫埋，完全睇唔到待客之道！港鐵準備定各大小團體來抽水啦！呢鋪叫人吹雞我都會去！

(3個站收$4.3)

(2個站收$5.4)

(同様是西鐵, 但Day Pass不是所有西鐵站都通)