星期六晚到老字號蓮香，選了較新的「蓮香居」吃，一心是想著以元朗「大榮華」同佢比的。
先來「古法鴨腳包」，以鵝腸紮實去骨鴨掌、腩肉和黃沙膶，以蜜汁煎香的功夫菜，散叫15蚊一隻，物有所值，成晚最鍾意呢款。
螺頭雞煲翅，本來吃冬瓜盅的，標榜足6兩翅，但價錢相差不遠，約1.5倍左右，就點了這個。雖說4位用，但是晚5位每人可分到2碗。
算是招牌菜式的「蓮香霸皇鴨」，幾乎每檯都有的功夫菜，肥大鴨身釀滿各式材料，成隻裹蒸粽咁。
「秘製醬燒骨」的秘密該在在醬汁上，舊肉食落無乜味，可能是煲湯的材料物盡其用，酸酸甜甜送飯唔錯。
「雞蛋焗魚腸」由頭到尾都唔腥，連胡椒粉也不用落，食到尾仍是熱的，推介。
蒜蓉芥膽出奇到好，第一唔會苦，第二無話炒到出水，乾濕適中，其實店員介紹加竹笙的，相信有竹笙多少少芡汁效果會差點，好彩無叫。
糖水送的，馬拉糕和千層糕太飽要打包，未能第一時間吃有點可惜。埋單8舊多點免加一，有翅食收呢個價已經好抵。
幾款菜的膽固醇都超高，咁好食，偶一為之無所謂啦！
沒有留言:
張貼留言