國民教育

德育教育幾十年來一直都有，教的都係守法禮貌的文明公民意識，呢方面無問題。

近十年開多個「生命教育」，義務幫過一些小學編教材，覺得內容著重教學生如何抗逆、與人相處的技巧，雖然天花龍鳳，側重互動較有趣的上課模式，但總覺班細路上課時反應熱烈，頭頭是道，但出事就愈軟弱。

跟手到「國民教育」，其實換旗後不少學校都非正式的搞了好多年，熟悉的學校都是每年六四請1個泛民 + 1個建制各講1個Talk，國內每逢有倒瀉屎趁高興的盛事亦主動趁墟，不過對一些涉民生的維權事件就從不公開討論。

我覺得很合乎社會現況，唔怕官最怕管，皇帝睇唔到，卒仔唔執法，洗太平地時唔該俾俾面唔好令卒仔難做，問題依然存在，不過燒唔到自己果叠就最多同情一下。

現在教育局都只係想將課程正式化，若希望強化學生「中華人民共和國」的國民身份認同，呢一點其實不理立場左中右都認同哂(無乜人搞港獨啦)，搞來都無意思，如果話想増加國民的「自豪感」，亦都唔係從教育入手囉…